عقلي عنده ، للكاتبة/ لينا المنفي

ساره: هــي ويـن عــقلـكـ:rolling_eyes:
انا:عــنـد الغـوالي:joy:
ساره: مش طبيعيه:joy::broken_heart:
انا:ادري يابنتي ادري:sunglasses:
ساره: ايـــنـاس بس بـجـد بـنـعرف ليـش مـركزه عليه هـــو بـذات؟
انا:- that ولاthat is:joy:
ساره: الحق عليا مش عليك تغيري فالموضوع!

مشت ساره وخلتني مع نفسي:joy::rolling_eyes:⁦:heart:⁩

وقــعدت ســارحــه فـيـه هـو بـذات :joy:ع قولتها بــس لـيـش؟!
مــش عــارفـه

.
.
.
كـان يبي يركب لـلسـيـاره⁦:key2:️⁩

بــس وقف وشال النظرات وعطاني بنظرة معناها كان واضح!
-بـمعـنـى فطنـتـلك⁦:face_palm_tone1:‍�⁩:joy::broken_heart:
.
.
نزالت عيوني مصدومه من روحــي :sob:
زعـمـا عـقـله مـشى بعيد!

وقعد واقف مامشش وقتها تـأكدت انه انـتـبهلـي⁦:face_palm_tone1:‍�⁩

قعدت نص ســاعه وجــاني الباص وقت اللي مشيت انتبهتله مشى!

شوي هكي نعرفكم ع شخصيات⁦ويكون في المعلوم حتى الأسماء ماغيرتهنش بس ضفت ادوار ثانو ⁩يه:heavy_check_mark:
أســمـي إيـنـاس بـنـت عــاديـه جـداً بــس محبوبه بـسـبب طريقت تعاملي مع الناس:revolving_hearts:

موليدي89 ......بس وقتها كنت اول سنه في كــلـية الإقـتـصـاد..
هلي نار وشرار خـــوتــي معروفين بالقسوه والـمشـاكل وعـرم 7 بسلامتهم ،كانو الـشـباب لـما نــمـر مـن جـنـبهم تـقول شافو عفريت بسبب خوفهم من خوتــي:sob::joy::no_entry_sign:️⁩

الــبـنـت الــواحـيده ع7 شــباب يعني مافيش الريح وين تهب:joy:!

عندي صديقتي المفضله ساره... كويسه وتفهم عليا وتحس بـيا لـكن انا كــتومـه ما نــحـكـش في اسراري... قصدكم صدقتو انا نشوف حد ونتعرف عليه اول خمس دقيق نكون مكملتلا قصة حياتي بــ تفصيل الممل⁦:face_palm_tone1:‍�⁩:joy:

بويا ... كبير فالعمر فحط المسؤليه كلها ع خوتي يعني اي شي يخصني خوي الكبير متكفل بيه .

الباقي تعرفوه الأيام الجايه:sparkles:

عنده هـــو:sparkles:

واااااك عليك الــ شاطر ياهم خسرتنا الشوط:joy::broken_heart:
عبد المعز: وسع بالك ياغالي اهم شي انا فحياتك الباقي مادورش:sunglasses:
عــبـسـي: كان يفكر في عالم ثاني...:joy::sparkles:
عبد المعز: وخذتلك عقلك اتهنه بيه اللي واخذته ان شاءالله ..تشاو:unamused:
عبسي: فكنا من طروح البنات وجو نغار واقعد ساكت:thinking:
عبد المعز: تبقى طيب... وطلع

ليش هيا بذات نفكر فيها مع انها عاديه بكل فوق ماتتصورو!

بس لبستها هيا اللي خلتني ننتبهلها كانت الوانها مميزه ومستحيل ننسى شن كانت لابسه يومها وجسمها حلو كانت لابسه جاكيت وردي وسروال جيشي و معهن وشاح وردي طالع عليها حلو
قعدت نستنى فيها لين شفتها مشت ،ركبت سيارتي وروحت

مهم البنت قعدت في خاطري قرارت نمشي للجامعه فصبح عشان نشوفها ورقدت وكنت متحمس بس مش عارف ليش

فصبح لبست طرحه تيشرت ابيض وسروال بيج وكويشه بيضه ساويت شعري وطلعت:slight_smile:
كان يومها23/8/2007

خشيت ع جامعه وعيوني يدورو عليها فكل مكان!

بعد وقت فقدت الأمل وجيت بنروح وانا مروح خبطت في البوابه انا موقف وهيا

... يتبع
قصه والله حقيقيه ومؤتره وحلوه بكل بس متابعه وتفاعل :heart_eyes:

للكاتبة: لينا المنفي:revolving_hearts::revolving_hearts:

انا جيت بنطلع م البوابه وشفتها خاشه:heart_eyes:
كـــانت تحكي وتضحك :broken_heart:

_____ عند إيــنــاس________

انـــا: ساره والله مافي شي راه غير نظرات من بعيد لبعيد بس:joy:
ســاره: تكذبي عليا⁦:frowning2::unamused:
انــا: انتِ عارفه خوتي مانبيش نجني عليه وعليا⁦:face_palm_tone1:‍�⁩:joy:
ساره:باه هيا تعالي للمحاضره:unamused:

خشينا للمحاضره وبدت بعد عشر دقيق م المحاضره جى طالب

الطالب: عفواً يادكتور صارلي ضروف تأخرت
الدكتور:هذي ثالث مره راه مش بجوك … رد من وين ماجيت
الطالب:حسستني متأخر ع صلاة الجمعه ازح… طلع وعيونه اللي شفتهم حلوات شفتهن زعلانات.… وفيهن غضب والقسوه:sparkles:

والــقـاعه زرتهم الضحكه:joy::broken_heart:

الدكتور: أي حد يتأخر معش يخش…
وكمل اللي يشرح فيه:sparkles:
بعد ساعه كملت المحاضره و#عـــقـلـي_عــنــده:relieved:⁦:frowning2:⁩⁦:heart:⁩
.
.
ساره: رايحه حليب سريع الذوبان كنك يافرخه:joy:⁦:face_palm_tone1:‍�⁩
انا: لاحليب لاسريلك هيا:unamused:
ساره: تمام هيا نطلعو"مع ان تصرفاتك مش عجباتني بس نشوفو وين راح يوصلك اسكوتك!"
انا:ساره مافيش شي يومي كله قدامك ،والحوش انتِ عارفه كيف العيشه فيه القريه كل يوم يهددو فيا يبطلوني... وسكتت شوي... حتى ابسط شي هاتف ماعنديش:broken_heart:
ساره:حاسه بيك
رن هاتف ساره جها خوها وطلعت...

وقعدت انا في بركتجو البنات... ونفس جو امس القيته قاعد يشوفلي ..فرحت بس خفت:sparkles::slight_smile:

جى الباص وعيونه عليا وانا مره مره نسترق النظر⁦:face_palm_tone1:‍�⁩:joy:

روحت الحوش وكنت تعبه بكل نبي نرقد!

خشيت وندالي خويا الكبير إبراهيم خويا من بوي هذا اللي قتلكم في البدايه مسؤال عليا وع خواتي؛... صوته بروحه كفيل بأنه يزرع الخوف فقلبك..
انا:نعم!
إبراهيم:مادمك روحتي بدري هي ابدي ديري غداء
انا:بس
إبراهيم: لا بس لاشي .. سقدي هيا
.
.
خشيت الداري بدلت ملابسي ولقيت وشاحي الوردي ع سرير شلته واستنشقت ريحته ... لأنه هديه غاليه ع قلبي غير اني نموووت في حاجه اسمها وشاح... طبعاً وقتها كيف بديات الأوشحه ⁦:heavy_check_mark:⁩⁦:heart:⁩
حطيته وعلقت ملابسي وطلعت...للكوجينه لميتها وبديت ندير في الغداء

شوي هكي ونسمع فصوتها تبكي بصوت عالي... طبعاً ماسألتش لأن اكيد مثل العاده يبو يزوجوها من جديد:broken_heart:!

نسيت نقوللكم في البدايه انه عندي اختين من بويا... يمكن لأن مانعتبرهمش خواتي ماحكيتش عليهن... اي من حقي لأن مرت بوي ربتنى ع الحقد والكره وتحدي كان بينا هكي كانت علاقتنا ببعض وبس!
.
.
وربت الشباب ع الطغيان وشوختهم علينا ...لدرجة انقلبت التربيه ضد حتى بناتها وبذات... بسمه اللي كانت شقيقتهم عذبوها وظلموها واجد
.
إبراهيم كل همه الفلوس قلبه مايحسش بكل… "لارحمه لا شفقه"

كملت الغداء وحطيتلهم... وكنت تعبانه بكل خشيت رقدت.. وعتني ابتسام ع المغرب .. ابتسام تكون مرت إبراهيم وام اصغاره
ابتسام: هي تعالي درت قعده فجنان نكسدو شوي و نكلمو بسمه ياخيه وجعتني بكل، كسرني وكسركن .. ربي يسامحه إبراهيم ..
انا: بوك وامك يهدوك .. ولو قعدين راه ماهذا حالي وابتسمت فوجها
.
.
وكلمنا بسمه قعدنا فجنان ريح حلوه بكل وجوو هادي ،بسمه عيونها مايتفسروش تعبانه وزعلانه⁦:broken_heart:

________________(في الكافي)______

عبد المعز:قصدك خشت راسك!
عبسي:اي نبي نحكي امعاها
عبد المعز:تعرف من خوتها!
عبسي:مانخفش من راجل كيفي كيفه مايهمونيش من البنت نبي نحكي امعاها
عبد المعز:تي وخوتها إبراهيم واكرم وباقي الشله هذي..
عبسي "رفع حاجبه وبغرور وكميه رهيبه م الشموخ": وكان؟!
عبد المعز(عبدو): بكيفك ياحب… انا حذرتك
عبسي:باه يا امي :heart_eyes::joy:
عبدو:خزي عليك.. مالت عليك وع اللي ينصحك
عبسي:نعلي منها امي:heart_eyes::joy:
عبدو ماسيطرش ع ضحكته وضحكوو

عبدو:بس مافكرتش في حاجه مهمه
عبسي: وشنو؟
عبدو:كيف بيقبلوك هلها وانت ماعندك شي غير اقريتك ..
عبسي:ومن قال بنخطب ولا نتزوج.
عبدو:عندك خوات ياخيي
عبسي:ومن قال بنلعب بيها!
عبدو: بس كل ماتبي تغلط اتذكر عندك خوات ياغالي
عبسي"الضجر و الغضب بان ع وجه":عبدو معش تحكي عليها ياريت ماحكيتلك سكنت راك:rage:
عبدو: ما قلنا شي

كملو قعدتهم وكل حد روح الحوشهم:sparkles:

____________في دار بسمه اللي كانت كلها غبار وحالتها كأنها مهجوره:broken_heart:____

بسمه:غير شن درت ياربي ذنبي حبيت، قلبي هذا ياربي شن نديرله.. ليش حظي هكي بس اللي حبيته حرموني منه واللي تجوزته طلقوني منه بعد بديت نتعود عليه وع طبعه الحاد اللي مستحيل بنت تقدر تتحمله .. وبدت تبكي وتشهق
بسمه مسحت ادموعها وقالت:حسبي الله ونعم الوكيل في كل من شارك في ظلمي.
امي وبويا سبب فساد عيشتي وبعدهم إبراهيم ساعدني ع الوكاب وزادني هم زوجني بكيفه واجبر الراجل يطلقني وخذا مقدم ومؤخر امتعي وخلاني حالتي تعبه,بالله وشن قالي قالي جيك عريس عدتك تمت !!
بكيت لين وجعني خاطري .. سمعت صوت اعياط اصلا حوشنا ماينسمعش فيه غير العياط بس المره كانت مختلفه
طلعت وشفت:flushed:

…يتبع

طلعت وشفت إبراهيم يعيط ع دانيا (اختي الثانيه)
إبراهيم: شنو قتلك انا قتلك م الحوش ماتطلعيش
ومسكها من شعرها وتعيط وتترجى فيه يرحمها
.
.
دانيا تبكي ومسكه فيده: والله ماعد انعودها اطلقني بس
إبراهيم: قليلة تربيه ...ماحد امربيكن نربيكن انا تتأدبن يا تموتن
.
.
انا ما استغربتش إن إبراهيم يضرب وهكي متعودين عليه بس استغربت انه"إبتسام" تتبسم بخبث
وقتها عرفت انها هيا اللي حبكتها ...ماعنديش أدنا شك فحبها ليا... بس هيا ماتحبش دانيا وبسمه لان يمكن اخوت زوجها شقيقهم!
متخبيه تحت الوجه البريئ وتعزق فكلمات مثل"حتى انا معذبني" بس كذب عشان تخلينا نرئفو بيها ونحكولها.. هو يموت ع كلمتها"شايخه عليه"
.
.
كنت نتفرج من بعيد.. ونقول فعقلي هو أخته ومارحمهش كان يعرف إني نفكر فشخص شن يديرلي ولاشن يديرله؟
تجهلتهمم ومشيت مانقدرش نوقف فنص بينهم وماحد يوقف إبراهيم اصلاً

بعد مرور ساعه يمكن هدى الحوش وكل حد خش داره:sparkles:

(في دار إبراهيم وإبتسام)

إبتسام"بخبث":تحسبها سيبه مافيش رجاله:relieved:
إبراهيم"عيونه قلوب عليها": اي اهو عطيتها طريحه تحرم تعودها... تعالي خلينا ننسو مشكلهم نبي ولد ثالث وغمزلها:sweat_smile:
ابتسام اكتفت بضحكه
_____________

عبسي: اووف اليوم وينها مختفيه ماشفتهش!
عبدو:بالك ماعندهش اليوم محاضرات
عبسي:عليك جو شين ... هيا نروحو توا نجي بكره
عبدو:ومحاضرتك؟
عبسي:دكتور نفاخ.. ومافيهنش جو محاضراته حتى كان حضرت مش ح نفهم هيا

طلعت وطول طريق نفكر فيها ليا يومين نمشي للجامعه مانشوفش فيها رايفت عليها وع شوفتها وحركتها الطفوليه
نعرف بس شكلها رغم انه ليا اسبوع بس شيفها بس قدرت تحتل تفكيري:thinking:

مشيت الحوشنا القيت بنت العم والعيله ملتمين
انا:كيف الحال ياعيله
الجميع:بخير
حليمه(ام عبسي):اقعد ياعبسي هدرز ع عماتك شوي:heart_eyes:

انا وبرفعة حاجب:نقص عليا غير نهدرز احذا بنات

البنات قعدو يضحكو عليه ويشوفوله بنظرات طمع كل واحده تحلم تحكي امعه وتققرب منه(حلم ابليس بجنه):joy:
عبسي معروف مش امتع بنات ومايحبهنش شخصيه قويه للغايه تعرفوها
مع الحلقات الجايه
.
.
كانو قعدين فجنان .. مشيت للزرع وبديت نسقي فيه

جتني واحده م البنات!
امنه: جبتلك قهوه
انا وبدون مانشوفلها ولا نلتفت: تمام مشكورة..حطيها ع طاولة
امنه:تواضع وشوفلي بعد نحكي امعك.. حطت الصفره ومشت وراسها بيطلع دخان ..من تجهل عبسي ليها!!

عبسي بينه وبين نفسه خساره فيك حتى كلمة مشكوره ورد يستقي في زراعته كان يحبها ..لدرجة خياليه:heart_eyes:
.
.
.

"عند بنات العم :sparkles:"
رويده: شن صار امعك... هزبك يامهزبه:joy:
امنه:فوتيني مش وقتك
ايه:ماهو قتلكم مش امتع بنات.. نحلف عليه حتى اسميكن مايعرفهن⁦:face_palm_tone1:‍�⁩
جميله:ياعوين اللي يخذها
امنه:فعينه ياخذ من برا ونحن قعدات عرم وتفصيل وجها كانن شحبات وقالت"خيرنا مايمشي الغيرنا"
ايه:قصدك حطيتيه فراسك:thinking:
امنه: حاجه كيف هكي..

كلهن يحكن ع عبسي ..كان حديث القعده ، بينما كانت مودى قاعده في المطبخ اتلمع وتسيق وحايسه ومعاها ليلى(اخت عبسي) كملن حوستهن...
ليلى:سلمها ياخيه تعبتك:sparkles:
مودى:مش بينا بنت العم⁦:heart:⁩

خشت عليهم حليمه
حليمه:يعطيك الصحه يا دودي.. ع قولت ليلى:joy:
ليلى:اوي ع الدلع والحركات.. نحن هنا
حليمه:عارفتك كسلانه ماتطلع منك فايده فالحه غير فمسكت الهاتف..
ليلى: تكلمي احكيلها يامودى شن درت:relieved:
مودى "فاقت من سرحانها بعد سمعت كلمات ليلى": اها لا سعدتني اصلا دارت نص الشغل
حليمه:نخذك لولدي وخلاص:heart_eyes::joy:
مودى"بخجل": العفو مادرت شي وطلعت
.
.
كانت بسيطه للغاية، وحلوه فوق ماتتصورو أسلوبها وحياتها فالحه تحب النظافه يعني الزوجه المثاليه فعيون اي ام بتخذ كنه تتبهى بيها!

كملت السهريه وقعد عبسي مع امه وليلى
عبسي:ليلو كبايه ميه
ليلى:من عيوني

صبت ليلى ...وعم الصمت فالمكان ..وبعد شوي هكي امه حاولت تفتح موضوع "مودى"

حليمه: ياوليدي بنفرح بيك قبل مانموت راك كبير مش اصغير وبنشوف اصغارك... وعشان اطلع روحها معاها حق قالت(حتى سالم ولد جيرانا اللي ماكملش20 سنه تزوج)

عبسي: يا حنونتي اسمعي سالم عمره29سنه صحبي ونعرفه كويس.. وثانياً من بترضى بواحد ماعنداش شغل في الحكومة عابي يشتغل في محلات .. وزيدي عليها ماعنديش حتى شقه فوقكم مش حوش؟!
تنهدت حليمه وقالت:بنت عمك مودى طول وعرض وفلاحه مشاءالله عليها وزيد عليها عمرها19وعمك عارف ضروفك مايقولكش لا مايلقى خير منك!!
عبسي:سكرولي ع الموضوع!
.
كنت طالع وقبلتني ليلى..
ليلى:خوذ الميه
انا: بعد شنوو

خشيت الداري وقعدت نفكر وتفكيري مش في مودى اللي مانعرفش حتى كيف شكلها!
ولافي امي واصرارها ع زواج وحجتها اللي هيا تبي تشوف صغاري!
ولافي ضروفي وطبيعت حياتي وممتلكاتي!
.
.
كنت نفكر فيها نتخيل في شكلها ملامحها ضحكتها اللي تحاول توريه وتحط فيدها ع فمها من الحشمه وخدودها اللي يتوردو من الشمس صح مش سمحه واجد بس وقعت في فخ بسطتها وعدم مبالغتها .. زي باقي البنات⁦:heart:⁩:sparkles:
.
.
الساعه12:30 فليل كانت ترتب في شيتات امتعها ومتحمسه كأنه اول يوم بتمشي فيه للجامعه⁦:heart:⁩:sparkles:

مودى: الله زعما نشوفه اليوم:thinking:
اختها(تقوى): يابنتي ماتركزيش عليه انتِ عارفه بنات عمك امس السهريه كلها يحكن عليه
مودى"بخيبه":مميز عجبني .. انا مش زي امنه ولاغيرها انا عجبتني تصرفاته الرجوليه مش شكله!
تقوى:حتى شكله ماعندك ماتقولي فيه ياخيه⁦:heart:⁩:joy:

كانن مودى وتقوى يحكن ويفضفضن البعض ..بينما إيناس خواتها الأثنين كل واحده تفكر في همها بروحها مافيش من يهون عليهن:broken_heart:⁦:shrug_tone1:‍�⁩

في غرفة إيناس:sparkles:
كانت تقرا وبتركيز .. ناويه تطلع الأوله ع دفعتها
وتفكيرها بعبسي اللي ماتعرفش حتى اسمه طاغي عليها

(لينا سادك من كلمة تفكير خلاص عاد:joy:)

ماعلينا:relieved::joy::broken_heart:
.

.
في غرفة بسمه كانت ترتب فشنطتها اللي مليانه ملابس عرايس ماليهش وقت وخذتهم ماتهنتش فحياتها اساساً عشان تلبسهم بس معلش هيا ضحية طمع خوها وسؤ تربية امها⁦:shrug_tone1:‍�⁩

وفي غرفة دانيا كانت مظلمه وقاعده تفكر في حياتها هل ح تتحاول لنسخة من حياة بسمه وتلوم في نفسها ع حبها "الهيثم" اللي ماتوقعتش
يخذلها فيوم من الأيام

(هيثم كان واقف ع دانيا فجامعه.. شفوه جماعت إبراهيم هرب وخلها بروحها تواجه إبراهيم وجبروته!)
هيا مأثره فيها لدرجة كبيرة بكل اللقطه هذي؛
.
.
وهكي مشى ليل بصعوبه ع جميع ماعدا ابتسام اللي كانت فرحانه بشوختها!
.
.
فصبح ساعه8:sparkles:

كنت واتيه .. لبست وشاح لونه عنابي عليه بلوزه طويله شويه لونها بيج وسروال لونه نفس الوشاح وساعتي وشويت لمسات .. ومانحبش نحط مكياج نفوت فيه.

طلعت القيت ابتسام وصغارها يفطرو
ابتسام: ليش ماتصبحي!
انا "بعدم مبالاه":لاشي.. سرحه شوي عندي امتحانات:sweat_smile:
ابتسام"حست عليها": اها ربي يوفقك.. تعالي افطري امعانا
انا:لا تمام ناخذ م الكافتريا

وطلعت للباص

في جامعه طبعاً زي كل يوم عبسي قاعد يستنى بفرغ الصبر بس المره كان ناوي يدير شي!
.
عبدو: يارا شكلها معش بتحي للجامعه.. هيا نروحو تربح
عبسي: كذا اسكت مش ناقصك:slight_smile:

كانو يتنقشو لمحها عبسي:sparkles:
عبسي :اهي جت نزل اعيونك ترفعهم فيها نقتلك⁦:frowning2::unamused:
عبدو: مزال بدري ع الغيره!

__________&___&&&&&_
ساره:شفتي الطرف اللي معه:heart_eyes:
انا: تقعديش اخفيفه ارزني:joy:
ساره:حق الجمال ان نزهو به
انا: امم باه
هيا تعالي للبنات نشوفو شن جديدهن

مشينا وقعدنا نحكو مع البنات قبل ماتبداء المحاضره
شوي هكي ..وقف عليا هذاك الشاب اللي عقلي عنده:broken_heart:
انصدمت لأن مرات يشوفوني كلاب إبراهيم حشاكم
عبسي وكان في يده

……يتبع

حاولت نطولها ليكم قد مانقرد بس انا طبعي نقدرش نقعد اكثر من ساعه ندير في نفس الشي تفاعلكم يشجعني ويجبرني نكتب حلقه طويله⁦:heart:⁩

جاني عبسي وكان فيده شيت(مذكره)
عبسي:هذا الشبت كملت بيه مشكورة
انا:بس انا ماعطيتكش شي!

كنت يدوب نحكي مشى وخلاني مصدومه هل قصد يعطيها ليا ولا غالط مشبه عليا؟!
خذيتها وسكتت..
ساره: لعند امته نفهم فيك انا ترا افتحيها بالك كتبلك فيها حاجه:frog:
انا:مش وقتها محاضرة بدت

مشيت للماحضره وكنت مركزة وفهمت فمش ح نحتاج نقرا كملت المحاضره بعد ثلاث ساعات،طلعنا

بس المره طلعت ومالقيتاش قاعد؟ استغربت !
وقعدت نستنى لين جى الباص وروحت
________________________________________

عبسي روحت قبل ماتطلع هيا بدقيق وروحت للحوش .. ومستغرب فروحي انا اللي ماعمريش صبيت ع بنت اليوم صار ودرتها...لاوقدام صحباتها

فاق ع نغزه قويه من خوه (صالح)
عبسي:ليش توا الثقاله هذي بس:unamused:
صالح:تي وين تيشرت الأسود ندور عليه من بدري
عبسي: من امته ملابسك يجن عليا؟ ولا لازمتك تهزيبه مني:unamused:
صالح:سألتك بس

مشى صالح وجت حليمة قعدت مع عبسي فصاله
عبسي:من قبل ماتحكي تفتحي موضوع مودى نصبي!
حليمة:لا مش ح نحكي فيه موضوعها ، سكتت شوي وقالت باه شن رايك في أمنه:heart_eyes:
عبسي: يا أمي حسيتك درتي هجمة مرتده ماهو نفس الموضوع اختلاف اسامي بس:joy::broken_heart:
حليمه: ياولدي.
قص عليها عبسي وصبا
حليمه "بين عليها لإنزعاج":خوذ امعك هاتفي صلحه فطريقك

خذيته منها وطلعت

_________________________________

إيناس فتحت الشيت ونقلب فيه في اخر ورقه القيته كاتب رقمه رقتلي منه:neutral_face:
خذيت الورقه وشرطتها خوافاً من ان حد يشوفها وطلعت
كان يوم خميس وسبت واحد ما عنديش محاضرات ،قعدت نلم فالحوش وكسدت قعدت نقرا

مشو ثلاث ايام كساد مافيش حاجه جديده:sparkles:
.
.
غير ان عبسي يستنى فيها ترن عليه ..وهيا قاعده خاطرها تحكي امعه بس ماعندهش هاتف

ثاني يوم كان عندي محاضرات في العشيه م1:30 لل4

كنت وقتها كيف جايه بنخش للجردينةً امتع الجامعه
شفت عبسي جيني من بعيد:flushed::sparkles:

انا بيني وبين نفسي ...ربي يستر ان شاءالله ماحد يشوفني امعه بس:tired_face:
عبسي: اسف بس بنسألك... ليش مارنتيش عليا؟
انا"بخوف وتردد:tired_face:": ماعنديش هاتف..خوتي وعرين ابعد عني المصلحتك:broken_heart:
عبسي:تهددي فيا..ولا خايفه عليا:heart_eyes::fire:
وطلع هاتف وعطه ليها
عبسي:نرن عليك بعدين ردي.. عطيته ليها ومشيت

هو مشى وقعدت انا نفكر زعما نمشي نرده له؟!
مشيت للمكان اللي متفقين نتلاقو فيه انا وساره
.
ساره: كنك طولتي:unamused:
انا: صار اللي ماكنش متوقعته
ساره: ليش شن صار !
انا: ....... وهكي صار خايفه بجد
ساره:عليه.. ولا:new_moon_with_face::joy:
انا: مثقل دمك بارده:expressionless:
ساره: تقدري تخفيه بميه:new_moon_with_face::heart:
انا:استني شوي نلملك ضحكه!

قعدنا هكي نحكو ونتثقلو ع بعض لعند ماروحت للحوش!

روحت نفس روتين كل يوم درت غداء ورقدت وعيت ع ساعه4:30
القيت الموبايل يهز:broken_heart::neutral_face:
كان وقتها النوكيا طلعات اجدد

القيته مسجل الواعر ..ضحكت لأن فعلاً من شكله يبان واعر:joy::fire:
رديت عليه

عبسي: كيف الحال
انا: الحمدالله كيفك انت؟!
عبسي:توا كيف تريحت بعد سمعت صوتك:tired_face::heart:
انا"تحشمت وسكتت"
عبسي: مسرع ما رديتي عليا
انا انزعجت:شن قصدك بيها:slight_frown:
عبسي: لاشي:sweat_smile:
انا: نستأذن منك

وسكرت عليه غمتلي منه يحسبني رخيصه!
تنهدت وخذيت قرار معش نرد عليه وكان جاني فجامعه بنكلم الأمن
وقعدت نقرا

_____________________________

بسمه: يصير خير:broken_heart:
الراجل:طبعاً المرا مش ح نطلقها عندي شقتين شقه ليك والها وربي يقدرني نعدل بينكن..
بسمه: ليش بتخذ واحده مطلقه ...وعندي علم انك قاعد تحب مراتك وعلاقه؟
الراجل(ايمن):الله غالب ع خاطر امي بوي يبو صغار
بسمه:يعني ع خاطر الصغار متزوجني
ايمن:انا قالتها البراهيم وعشان نكون واضح امعك جيت درت مقابله شرعيه
بسمه صبيت بحزن وخيبه: السلام عليكم
ايمن:وعليكم السلام

طلعت من عنده ودمعتها ع خدها وجعها خطرها ..تبي تجي ع ضره وفوقها يبوها تجيب اصغار بس!
يعني لعبه يمل منها يخذ صغاره ويطلقها:broken_heart::fire:

مشت بسمه الإيناس ولأول مره ..

خشت بسمه ع إيناس
إيناس "بستغراب": خير كنك:flushed:

لمه بسمه شافت كيف إيناس منصدمه وبين عليها الخوف جت حضنتها وبدت تبكي زي الطفل الصغير فحضن اختها.. بالأصح اللي كانت غريبه عنها!

إيناس:هدي روحك..خير شنو فيك؟
بسمه:ظايق علمي بس
إيناس: ساهله كان جت ع هذي بس..
بسمه: سمحيني ثقلة عليك..كملي اقريتك
ايناس:كنك غير اقعدي:heart:
بسمه: يقعد الخير وطلعت

ومشى اليوم طبيعي وصبح عندي محاضره وقعدة مكسده ماعنديش نيه نرقد... رن الهاتف قعدت خليته يرن مره واثنين عشان كلمة رديتي بسرعه!:joy:
ثالث مره خليته شوي ورديت
عبسي:تردي فيها ليا:unamused:
إيناس: شنو تبي مني؟!
عبسي: نبيك صديقة
ايناس: تعرف خوتي من وتعرف اللي يحكي امعانا شن يصيرله؟!
عبسي: مايهمنيش!
إيناس.. سكتت شوي: وانا شن نبي نستفيد ،غير انهم يخربو عليا عيشتي
عبسي: انتِ تحكي مع راجل!
ايناس:فوتني.. بكره نتلاقو نعطيك فونك
عبسي بعصبيه:والله ماصارت
ايناس: باه يا جنتل مان، تلقه ع اول كرسي فالكافتريا خوذه:relieved::sparkles:
عبسي:نعليااا من ام لسان طويل:heart_eyes::joy:

وقعدو يحكو لصبح وكل شوي إيناس ديره روحها تبي تسكر وما يصيرش منها:joy::fire:

____________________________________________
-

مودى: تي شفت اليوم مصبي مع بنت فجامعه:slight_frown::fire:
اختها(تقوى): اكيده هويبي منها حاجه ما اعتقدش يبيها!
مودى: ان شاءالله يطلع كلامك صح
تقوى: تحبيه!
مودى: ونبي نهبل عليه:sob::heart:
تقوى:صارحيه
مودى: توا يقول هذي خفيفه
تقوى: لاخفيفه لاشي بكرة تكمي روحك والبسي واحكي امعه فجامعه
مودى: بكرة ما اعتقدش يجي لأن فالعاده مايجيش الا ع شي مهم
تقوى:وبدينا فالأستخبارات من توا:joy::fire:
مودى: الحب وناره:tired_face::broken_heart:
تقوى::joy::joy::joy:

وعت مودى فصبح لبست ونسقت جوها "طلعت تهبل ملامحها بسيطات بكل :sparkles:"وطلعت للجامعه
خشت مودى للكافتريا ساعه10 بصدفه شافت عبسي قاعد ع طاولة
مودى هذي فرصتي نمشي نحكي امعه!

مشت مودى .. وإيناس كلنت يادوب خاشه للكافتريا

إيناس:...
مودى:

.....يتبع:purple_heart:

مهم زعما يبن يتقتلن ولاشنو بيصير بينهن شن تتوقعن انتن؟!:joy::heart:
ومن تقولي بطلة الرواية ح تكون من؟
مهم تفاعلكم حبيب قلبي:key2:

كانت مودى ماشيه في اتجه عبسي.. وإيناس يادوب خشة للكافتريا:sparkles:

عبسي كان سارح مش فطن لين وقفت عليه بنت
بصوت ناعم وكله انوثه: هذا ليك وخطاني:unamused:
عبسي:صبح راه الناس يصبحو:joy::heart:
انا: لاصبح لاعشيه .. هيا سلام
عبسي: غير اقعدي شوي

كان عبسي يحكي امعاها .. وتجي يد تشد إيناس من كتفها :flushed:
التفتت إيناس وكانت تدعي الربي مايكونش حد من خوتها:broken_heart:

__________________________________________

عبسي: فهمت ياعبدو بعد تشوف ني واقف امعاها انت وشباب ديرو جوكم وخليكم منتبهين!
عبدو: تم ياطير
عبسي: نعبى عليكم!
عبدو: بس سؤال شن صار اليوم فالكافتريا
عبسي: نحكيلك بعد نتلاقو .. هي سلام، سكر عليا

عبسي عليك قصة حتى الواحد بيحب ماريحوه فعيشته:unamused:
.
ليلى كانت ع الباب تسمع في عبسي شن يقول وبدو مقدمات خشت وحاطه يدها فوسطها:joy::fire:
ليلى:تحب من ان شاءالله:unamused:
عبسي: اووو مش نقص عليا غير تحققي امعايا انتِ:expressionless:
ليلى: باه تحبها؟:joy:
عبسي: كلمتين تطلعي ولا نعزق فوجك الطفايه:sweat_smile:
ليلى: هذين تقريباً اربع كلمات مش اثنين:new_moon_with_face::joy:

عزق فيها مخده من مخدات الصالون طلعت وهيا تضحك:heart:

عليك قصه سؤال اللي سكنين لي بيه اتحبها ومش عارف شنو.. كان عبسي وقتها يضحك ويغير جوه امعاها وبس يبي منها اللي اي شاب يبيه لما يكلم بنت!
يعني مافيش اي ذرة حب حتى1‎%‎ يمكن إعجاب بس!

________________________________

إيناس: وخاطب اخرا واااك ياربي .. شن يخلي فيا نخش ع الموضيع هذينا بس:tired_face::broken_heart:
قعدت نفكر بيني وبين روحي وبعد تفكير طويل..خذيت قرار حتى النظرات معش بنعطيهم
نشقى بقريتي وبس..

في الوقت اللي كانت ايناس محتاره بسبب مشاعر إعجاب!
كانت بسمه تحكي مع دانيا

بسمه: حرام والله ظلمناها واجد ماساد تربت بدون ام:broken_heart:
دانيا: يمكن عشمها فينا وصلنا للمرحلة هذي!
بسمه: والله كويسه بكل امس انهرت قدامها.. خافت عليا رعشتها امعايا
دانيا: ربي يسامح اللي كان السبب في جفنا ع بعض
بسمه: اي والله
دانيا: شن صار في قصتك انتِ
بسمه: اهو عاد قاعدات ملابسي جدد وحددو العرس يوم الجمعه
دانيا: قصدك بعد اربع ايام ؟
بسمه: اي ونزلت منها دمعه حاره مسحتها وسكتت
دانيا: ربي يصبرك .. وانا..(كانت دانيا بتحكي الأختها لكن تذكرت اصلاٍ اختها متضايقه ماحبتش تكمل وسكتت):broken_heart:
بسمه: احكي .. ماتخافيش انا مضايقه اصلاً فمش ح تفرق امعي!
دانيا: شن بنحكي بس:broken_heart:
بسمه: اللي فخطرك ماتكتميش تموتي بعلتك ياهبله:pensive::broken_heart:
دانيا: انا اصلاً قلبي مات معش نحس حياتي ادمرت فيوم وليله القيت روحي قاعده ماكملتش اقريه!
لا واللي صار ع خاطره هذا كله طلع مش راجل وفاتني وخلاني للعذاب قلبي ناار ولعه فيه مش عارفه كيف بنتحمل بس
بسمه: مافيش شي صعب ع ربي خلي ثقتك بربي قويه وح يصير اللي فبالك:heart:
داينا: ربي يريحلك بالك ويوفقك فحياتك..
بسمه: اجمعين

وطلعت من عندها للصاله لقت ابتسام
ابتسام"بحقاره": المطبخ حايس كان ماتلمه ايناس ما يلتم
بسمه: توا نلمه انا
ابتسام: نظفيه كويس بس.. مانبيش الجارات يتضحكو علينا
بسمه"ببتسامه": اطمني مش ح يقولو علينا شي لأن عرفينا نحن شنو وكيف كنا وكيف اصبحنا بعد خذاك إبراهيم:slight_frown:
ابتسام: شن قصدك ؟ولوين تبي توصلي امعايا!
بسمه: اللي فيه شوكةً تنغزه:sparkles:

مشت بسمه وخلت ابتسام "شيطه فيها النار"
ابتسام: مايقعد اسمي ابتسام كان ماخليتك تمشي الحوش ع بك بكدمات وعلامات مايقعدش اسمي ابتسام:smirk:

____________________________________
نوقف شوي نبي نقوللكم كتبتها وقرارت نكملها ع خاطر واحدة تبي تنتحر كان ماكملتهش ،عارفه روحها:joy::heart:
__________________________________

طبعاً ماقلتلكمش شن صار في الكافتريا!
اللي صار( كانت إيناس تحكي مع عبسي وفي يد شدتها من كتفها التفتت إيناس بخوف رهيب :broken_heart:
مودى: معلش كان انتهيتي م الحديث نبي عبسي.. فموضوع خاص شويه:sweat_smile:
انا: تفضلي:unamused:
حطيتله الهاتف ومشيت قعدت مع ساره ع اخر طاولة في الكافتريا
ونشوفلهم ونار تحرق فيا "حب التملك"
.
.
ساره: هي يابنتي خلاص راه مافيش بينكم شي!
انا: من قالها مش ضروري نحكي امعه عشان نحبه..في اسباب ثانيه تخليك تحبي اكبر من كل شي:broken_heart:
ساره: مش طبيعيه راك؟
انا:عمرك شفتي حد عقله مش امعه وعاقل؟ قلي عنده شن نبي ندير
ساره: شوفي قعد يحكي امعاها وجوهم تمام وهيا منسجمه:rolling_eyes:
انا: يمكن تبي منه شي!
ساره: فعلاً الغاوي عمى والزاهد اطرش:sparkles:
انا: فوتيني يا ساره نبيه انا نار شعله فقلبي:sob::broken_heart:

شفتها البنت مشت وطلع ورها عبسي، طلعت ورهم ع طول
القيت البنت واقفه مع صحباتها ، كأنها تستنى فيا ولا مش عارفه اذا كانت متقصدى ولا!
.
.
مودى: معلش بنحكي امعك اشوي لوسمحتي
انا: تفضلي احكي.. بس عجلي عندي محاضره
مودى: شكراً.. بس بنقولك راه خطيبي وولد عمي فنفس الوقت حاولي تتجنبي تحكي امعه :sweat_smile:
انا: مع احترامي ليك.. هو اللي يبيني مش انا اللي نكلم فيه ثانياً انا ماحد يتجرئ يحكي امعايا بالأسلوب هذا!
مودى: معلش..يمكن سوء تفاهم وشكراً مره ثانيه

________________________________________

مودى: مش طبعي ولانحب نكون هكي حسيت روحي يعي وكذابه:tired_face:.. بين عليها تحبه
تقوى: املا بتخليه ليها :unamused:
مودى: اصلاً انتِ ماشفتيش كيف حكى امعايا وشن قالي
تقوى: شنو احكي؟!
مودى: جيت وصارحته رد عليا وقالي فوتيني وان شاءالله تلقي اللي احسن مني .. معش عرفت كيف نتصرف حسيت روحي بارده بكل .. بنت اعترفت لشاب بحبها طاح قدري وكرامتي تمت فالأرض:broken_heart:
تقوى: اللي يبي الورد يتحمل شوكة:relieved:
مودى: ح نحاول مره واثنين وثلاثه ... يايكون ليا يا ياموت
تقوى: بديت نخاف منك راه:sweat_smile:
مودى: متخافيش:joy::joy::heart:

وكمل اليوم كله هكي مودى تخطط وتوتي لحبكه:sparkles:
إيناس تقرى وفيتتهم كلهم بس مره مره تقعد سارحه:broken_heart:
وابتسام عرفت كيف تشحن إبراهيم ع"بسمه":pensive:
وبسمه مثل العاده تكمل الليل تدعي ربي يلطف بحالها ويفرج عليها
ودانيا عيشه ع بقيا ذكريات يوجعن فيها:broken_heart:

مرو ثلاث شهور بصعوبه ع جميع :heart::sparkles:

كان يوم عادي يعني صبت إيناس لبست وبخت عطرها وخذا حاجتها وطلعت للجامعه:blue_heart:

إيناس تفكر بينها وبين روحها ان شاءالله بس مانلقش اليوم كان القيته بنكلمله واحد من خوتي وخلاض!
اوف ياربي واحد مايصدق يفتك م المشاكل تجيه مشكلة اخرا:tired_face:
استغفرة ربي وتذكرت " ان ربي اذا احب عبداً ابتلاه":blue_heart:

نزلت م الباص ومثل العاده القيت ساره تستنى فيا:cherry_blossom:

ساره/ شوفي الهم قاعد

الشاب: غير بحتي فينا بس:heart_eyes:
ساره: احترم نفسك راه اندولك ع الأمن
الشاب/ومن قال الكلام شورك:unamused:

إيناس: حطه راسها في شيتات وتقرا ديره روحها مش معدله!
الشاب: غير بحتي فينا وربي نجيبلك شهادتك وانتِ راقده فحوشكم:wink:
..

بينما كان الشاب قاعد يسخف ويقول فكلام قليل ادب كان عبسي يراقب من بعيد!
يبي يشوف ردة فعل إيناس شن تبي تكون!

الشاب بعد يأس منها وشفها مشت للمحاضره فاتها

بعد خشت إيناس..
مشى عبسي للشاب
عبسي: هذي شوري فوتها خيرلك راه وربي نقتلك:wink:
ورفع جزء من التيشرت امتعه بحيث خلاه يشوف للموس اللي معلقه
الشاب: اسمحلنا ياخوي
عبسي: درب يسد مايرد هيا:unamused:

طعاً عبسي فثلاث شهور هذينا فات حاجه اسمها جامعه بسبب ظروفه الماديه كانت صعبه للغايه وبعد مده جى يبي يدير اورق ليه لقى إيناس مشى وراها شف الشاب يضيق فيها ماحبش يقرب او يحل المشكله قدامها.. خاف من انه يعجبها الموقف ويكبر في عينها وترد قصتهم من جديد!

بعد كمل عبسي اورقه طلع م الجامعة وهو مستعجل مايبيش ايناس تشوفه
وهو طالع إيناس شبه لمحاته
ايناس: ساره... هذاك عبسي ولانتوهم:flushed:
ساره: لا ماشفتاش اكيد تتوهمي نفس كل مره
ايناس: مشن ثلاث شهور وقاعده نحبه ومأثر فيا كيف الحل بنعرف بس!
ساره: ماينسيك الراجل الا راجل:relieved::joy:
ايناس: مش هكي يامفتحه بتكحلها عمتها:joy:

ومشى اليوم بجوه ثاني يوم فصبح

كنت ايناس مسكه فيد شاب بين عليه العصبيه
ايناس: تعال امعايا
اكرم: اصلا مفروض تقعدي فالحوش انتِ ناقص غير يعكسوك نحن7 مش لين عيونكن:triumph:
ايناس: كان مش لين عيني راه ماقتلك
اكرم: اسكتي كذا

عند عبسي شاف إيناس ومسك فيدها واحد وكان بين عليها تتعارك امعه...ضرب فعقله النقص ومشى السيارته عنده موس يحسبه حد يضيق فيهاطلعه ،ومشى بتجه إيناس وخوها

إيناس تشوف من بعيد وتشوف العبسي جيهم:flushed:

إيناس تشوف من بعيد وتشوف العبسي جيهم:flushed:

جى عبسي مندفع وبدون تفكير بيضرب اكرم بالموس
جى وقف بينهم"العقرب" (ركزن شوي لأن رواية ابطالها وشخصياتها واجد)

العقرب: ياعبسي هذا خوها راه

وشاف عبسي الإناس اللي كانت واقفه ورا خوها .. المصدوم والمستغرب!
ايناس غمزة العبسي بمعنى ابعد.. بس هو من عصبيته ماعدلش عليها
.
.
اكرم: بصفتك من واقف قدامي ومعك سلاح؟
عبسي: سمحني ياخوي مانحسبكش خوها شفتها تتعارك نحسبه في حد يضايق فيها.. اسمحلي ومشى

العقرب: خير يا كرومه كيف الحال.. وقعد اكرم يحكي مع العقرب وشك في شي بس مشاها لأن العقرب قنعه

_____________________________________
.
.
انا:كل يوم مصيبه جديده الواحد قريب يموت م الخوف:joy::broken_heart:
ساره: منك ديرتله سريب :unamused:
انا: من كان يقولي احكي امعه، توا قعدت ديرتله سريب مشكوره ياساره:slight_frown:
ساره: مش قصدي بس..
انا: لا بس لا شي قصدك وصلني... سلام
.
.
ساره تأكدت ان ايناس بعدت من عندها ورنت ع صحبتها!
البنت: شن صار درتي اللي قتلك عليه؟
ساره: اي درته بس مشت وخلتني زعلت
البنت: تشرب م البحر:joy::fire:
ساره: اوك ياحب شن مزال تبيني ندير ثاني ، خلي ننهي هالقصه
البنت: غيرانه ومقهوره منها لهدرجة انتِ:joy:.... ما تستعجليش بس عشان كل شي يجي كيف مانبوه نحن
ساره: اي مقهوره.. وعقدت حوجبها وقالت"هشينه" مش عارفه شن لقي فيها لا والكراش امتعي امس يعكس فيها ..وبعد رديت عليه قالي مش شورك
البنت: خلاص اعتبريها انتهيت عرفت نقطة ضعفها .. توا سلام وخلي عينك عليها:wink:
ساره: تم حب
.
وسكرت م البنت وطلعت ادور ع إيناس لقتها نفس كل مره مسكه وردة وتتأمل فيها:blue_heart::sparkles:
.
.
"ان تكون بسيطه للغايه، تدخل القلوب بدون إستأذان ،هذه موصفات الجمال الحقيقي":heart::key2:

ساره: اسفه.. بس لان خوتك وعرين حبيت ننصحك ابتعدي عنه ماتعدليش عليه حتى بعد يديرلك شي حلو هزبيه عشان يخليك فحالك اليوم لولا ستر ربي راه خوك قبرك في مكانك
انا: مش بينا ساهل .. سكتت شوي وقالت بصوت كله خيبه(معك حق)
ساره: هكي نبيك ايوه:heart:
انا:سلمها ياربي خايفه عليا:fire:

___________________________________

عبسي بعد شافها وشاف ردة فعلها ع شاب اللي كان يعكس فيها.. كبرت فعينه
كان عنده ارانب وحمام مشى باعه وجبلها هاتف وشفره... رغم حالته الماديه كانت صعبه بس كان متمسك بيها لدرجة كبيره:blue_heart:

وفي يوم لقها بروحها تستنى في الباص... جى قرب منها
عبسي: سلام
مردتش عليه
عبسي: السلام لله مش لحد:cherry_blossom:
ايناس: خير!
عبسي: خوذي هذا نبيك ضروري بكل
ايناس: عفواً مانقدرش
عبسي بعصبيه: خوذيه .. حطى ليها ع الكرسي ومشى

خذاته وطلعت للباص وطول طريق تفكر شن وكيف بيصير!

كانت ساعه12:30 في ليل يومها رن عليها شوي هكي وردت:yellow_heart::sparkles:
.
.
عبسي: بنعترفلك .. انا حبيتك يابنت الناس مانقدرش بلاك نفكر فيك بستمرار استحوذتي عليا:broken_heart:
انا "بنبرة خجل": وانا تعودت عليك مانقدرش ننكر:pensive:
عبسي: نحبك:yellow_heart:

وهكي قعدو يحكو ونقدر نقول بدت قصتهم! بس مش هذا حدا

استمرت علاقتهم لمدة خمس شهور يحبو بعض ومافيش مشاكل بينهم لين جى اليوم هذا!

استغربتو اختفى مودى!!
مختفيه كانت تحضر الشي كبير ... وبصراحه يستاهل الفتره هذي كلها

_______________________________

إبراهيم: تمام يا ساره .. شكراً
ساره: هذا واجبي
إبراهيم سكر ع ساره ومشى الدار إيناس والجنون قعدات متربعات ع راسه
خش لقها شاده هاتف وتحكي:flushed:
بدون اي مقدمات عطها طريحة ماحزتش عليها غير إبتسام ودانيا اللي كانت ماتقدرش حتى تمشي كويس ضعفت واجد بسبب اكتئبها وازعاج ابتسام ليها:broken_heart:

يضرب ..ويضرب .. ويضرب بدون رحمة لين اغمى عليا طلع!!
ورفع الهاتف وقال العبسي اللي كان يسمع فعياطها ودمه يغلي عليها

ابراهيم: كان انت راجل نتلاقو فالمكان....
عبسي: تم

طلع عبسي لقى إبراهيم وجماعته يستنو فيه!
مسكوه عطوه طريحه وهو يقاوم بس كانو اكثر من10 رجاله عرض وطول ماقدرش عليهم
وإبراهيم يضحك

وقتها كانت17 فيراير يادوب بديه الحرب يعني لا امن لا أمان

______________________

بطلو إيناس م جامعه وقعدت قلبها مع عبسي .. وتخذ في هاتف ابتسام وتحكي مع ام عبسي وليلى عبسي معرفها عليهن

حليمه"تبكي":والله مانندرو عليه من يوم ماطلع من هنا:sob::broken_heart:
انا"بصدمه": تبصرو عليا صح لا ماتقوليهش لا حرام عليكم تعذبوو فقلبي ع حبيبي:sob:
حليمه: خلي املك في ربي كبير يا امي:broken_heart:

بدت الناس تحكي بأن عبسي مش كويس ويشتغل متبرع مع الثوار دنيا وقتها مقلوبه في ليبيا حتى اللي ينخطف معش يدوروه!
لانه يا مقتول يا متبرع لصالح الثوار:broken_heart::sparkles:
وناس تحكي من بيسكتهم!

__________________

مودى: ليلى بالله عليك طمنيني وينه:slight_frown:
ليلى: مش عارفه والله .. الحوش كله منهار وناس بدت تحكي علينا
مودى"بتأنيب ضمير": ربي يكون فعونك يا خيتي:sob::broken_heart:

سكرت عليها ورنت ع ساره؟
بس شن علاقة ساره بمودى؟

تعرفو شي هذا في الحلقه القادمه

سكرت عليها ورنت ع ساره؟
بس شن علاقة ساره بمودى؟

مودى"بأعصاب منهاره": انتِ يامصيبه شن درتي بس شن قلي؟
ساره: درت اللي قلتي لي عليه :unamused:
مودى: والله الا ما نفضحك ونقول شن درتي..
ساره: ماتفكريش تلعبي امعي.. مسجلتلك مكالمات من اول مكالمة اللي فجامعة تذكرتيها؟:wink::joy:
مودى"بشمأزاز": والله نوريك كان مش اليوم بكره اصبري عليا
ساره: هي سلم بنتي العبي بعيد ... وسكرت فوجها

مودى حي عليا ياربي الحقد مالي قلبي عليها"تقصد إيناس" لدرجة هذي:sob:..بس نحبه انا شن ذنبي كان هو يحب غيري :broken_heart:
قعدت اتبرر النفسها بأسباب مستحيل حتى الطفل يصدقهن!

__________________________________________________ __

بسمه: حرام عليك تعذب فيا انا ماعنديش حد راه:cry:
راجلها(ايمن): انا من اول يوم قتلك نبي صغار.. وبعد خمس شهور نكتشف انك تاخذي حبوب منع حمل!:rage:
بسمه: مانبيش نجيب اصغار ينظلمو زي ما انا مظلومه :sob:
ايمن: خلاص اصلا انا متحملك بالغصب عندك شهر ماحملتيش بنطلقك!

طلع ايمن وقعدت بسمه بروحها وتتذكر في كلام ابتسام نعود بيكم القبل خمس شهور:point_right:

كانت بسمه لابسة فستان بسيط طالعه فيه حلوه ورافعه شعرها فوق :purple_heart::sparkles:
جتها ابتسام عشان تسعدها تطلع الراجلها ايمن

ابتسام: اصبري قبل لتطلعي... خوذي هذين ينفعنك:wink:
بسمه"بستغراب": شنوو هذين!
ابتسام: هذين تخذي حبه كل ما يصير شي بينك وبين راجلك وهكي تمنعي الحمل .. انتِ ماتبيش يتعذبو اصغارك نفس ماتعذبتي ولا .. وقعدت ابتسام تقنع فيها بكلامها اللي كان سهل ينضحك بيه ع واحده حالتها النفسيه متأزمه:broken_heart:
بسمه: تمام... مش عارفه كيف نوفيلك جميلك امعي... دانيا وإيناس امنه عندك:pensive::yellow_heart:
ابتسام"ضحكتة بخبث": ماعليك فيهن:smirk:

ونردو للحاضر:point_left:

بسمه: مش ح نقول شي غير حسبي الله ونعم الوكيل:ok_hand:

شوي هكي وطق باب شقتها....
أيمن: البسي وانزلي عونيهم :unamused:
بسمه: حاضر
أيمن: ماتلبسيش وماتحطيش مكياج البسي جلبية:smirk:
بسمه: بس...
ايمن: ديري نفس ماقتلك وكان بتلبسي لمي دبشك تلبسيه عند هلك...

بسمه حسة بنقص لبست زي ماقللها وحتى ولبسها مش زي اي كنه بس طالعه حلوه بكل
نزلت وكانت ضرتها قاعده تحكي مع عزوزتها:tired_face:

ضرتها(أمل)كانت لابسه وريحة عطرها تجيبك من برا .. ومكياج كأنها عروس ..ومع هذا كله طالعه جوكر:slight_frown::broken_heart:

عزوزتهم: بسمه ليش نازله تقول مريضه وجهك رايح اصفر:wink::heart:
بسمه:تعبه شوي بس
عزوزتهم: باه..راك تقعدي حامل وماتندريش ع روحك
نضت ضرتها"بعصبيه، ومكر": مستحيل... ايمن قالي كانت تاخذ فحبوب منع:relieved:
عزوزتها: الستر ياربي صبايا توا:scream:
بسمه"بنظرات كلها حزن": اسفه والله
عزوزتها: بعد شنو الحق ع ولدي اللي مخليك لا توا قاعده بري يالي ماتتحشمي:rage:

بسمه بدون ماترد بكلمة رقت الشقتها فتحت الباب بشوي
تسمع فصوت جي من دارها؟
قعدت تسمع جت فأذنها كلمة ايمن
.
ايمن: اي بنطلقها اصلا جبتها عليك ضره عشان امي.. توا امي كرهتها يعني خلاص حبيبي سادك حرمتني منك:pensive::heart:
امل: يوم عيد زواجنا الشهر الجاي جيبهالي هديه واللي تبيها تخذها:wink:.. هي سكر عزوزتي تنديلي

سكر منها وشاف للباب لقى بسمه طايحة ع لأرض مغمى عليها:flushed:
رفعها م الأرض ونزل شيلها شفتهم امل وامه
امل عقدت حواجبها وقالت: هالسحره شن مديرتله:tired_face::broken_heart:
عزوتها: ماتندريش مرات تطلع حامل... بين عليها وجها اصفر:relieved:
امل: مستحيل ... لا... مستحيل

وخشت الشقتها وتكسر ومش مصقه رجلها اللي تموت عليه بيجيه ولد من غيرها؟
شعورها لايوصف مانقدرش حتى نوصفه :broken_heart:

وقعدت تبكي وتدعي تطلع مش حامل...

__________________________________________
.
(ركزن ع لأسامي عشان ماتتلخبطنش بس وزي ماقلت قبل شخصيتها واجد الروايه!)
.
__________________________________________

إيناس كانت قاعده تجهز فروحها بتمشي للجامعه (مستغربين ليش خلوها تمشي)؟
إبتسام زي ماتعرفو تحبها قنعت إبراهيم وافق تمشي للجامعه
.
.
لبست وجهزت روحي وطلعت.. ع امل نشوف عبسي حتى شوي!
بنسبه لساره ...ما سألتش عليا ابداً ،في الفتره لأخيره تغيرت عليا واجد يعني الفترة هذي كانت من أسوء فترات حياتي:broken_heart:
.
خشيت الجامعة وقعدت نتذكر في كل شي بتفصيل وقتها كانت نهاية السمستر الرابع يعني خلاص وطبعاً كل سنه كنت نطلع الأوله ع دفعتي!

كملت امتحاني وطلعت نسأل ع عبسي جربت سألت اكثر من بنت تقربلهم ،بس مافيش اخبار ع عبسي ابداً وقعدت فتره نمشي الجامعه ونسأل عليه لعند ما فقدت الأمل ع لأخير..
تعبت كل مره يجيني حد يخطب فيا.. وبمساعده من ابتسام انطلعو فيه عيب ونرفضو ع امل عبسي يرجع ويحقق وعده

بس لعند امته؟

______________________________

مودى كانت لابسة وديره مكياج خشت عليها تقوى
تقوى: هيا ياعروستنا عريسك جى:heart_eyes::heart:
مودى"ببتسامه": هي:heart:

كانو بنات العيله ملتمات ويدربكن وفرحانات ... اول بنت فعيلتهم تتزوج من حقهم

_____________________________

بسمه: واااك بعده عني نفسي تلعب منه:mask:
أيمن: هياا بسومتي بلاش دلع.. صحي ليك السمك
بسمه"رفعت حجلها": مش بلغصب:rage:

وخلاته.. سمعت صوت باب شقه يدق
فتحت
عزوزتها:سلمها ياربي الحمل محليك:heart_eyes::heart:
بسمه: سلمك .. تفضلي
عزوزتها: بنحكي مع أيمن شوي وانتِ انزلي عوني امل شوي ولحقتك
بسمه: باه

خذت بسمةً لبسة الصلاة ونزلت
وخشت عزوزتها للحوش

عزوزتها: رد بالك عليها حطها فعيونك.. بوك ماتحلمش منه بقرش مادام ماعندكش صغار!
ايمن: وماهو متحملها ع خاطرك .. وخاطر ولدي بس:smirk:
عزوزتها: وكنها من شنو تشكي محلاها:heart_eyes:
ايمن: اللي مستغربه انها حتى بعد خذت اللي يقولو عليه منع حملت
عزوزتها: تصير .. تصير تلقهم نوعيتهم مش قويه:relieved:... هيا الحقني التحت ديره عزومة ع خطر بسمة بفرحوها شوي، وجعتني ماشفتش فعمرها زها.. واسمع راه غاضبه عليك ليوم الدين كان زعلتها:rage::ok_hand:

نزلت بسمة وشافت أمل تلم وساكته.. وبين عليها انها زعلانه
بسمه: خير
امل:خير... مبروك يتربى فعزك:pensive:
بسمة:الله يبارك فيك
امل: ماكنتش متوقعه فيوم من لأيام بتجي واحده تشاركني فراجلي وحبيبي ولي كنت نتمنى يكون عندي صغار يحملو اسمه:smirk::broken_heart:
بسمة: إن الله يعطي من يشاء

ومشيت نلم وماعدلتش عليها

_________________________________________

الظابط هيا اطلعو كلكم.....

طلعو المخطوفين كلهم كانو اكثر من شخص وبالحظ لقوهم هربوهم ومن ضمن اللي هربو عبسي

...... بعد فترة جى عبسي الحوشهم

حليمة اول ماشافت ولدها قعدت تبكي ...
عبسي:ماتافيش ياعمري اهو جيتك
حليمة: غير قولي وين كنت بس ماخليتش فيا عقل:sob::fire:
عبسي"ضحك وكانت ضحكتة حلوه" وجهاا مهمل لحيتة ومع غمازاته حي معش نقدر نحكي:heart_eyes::broken_heart:
عبسي: اهم شي روحت مافياشي الباقي مش مهم
بعد احضان وبكى ومشي عبسي قعد مع العيلة اللي بدت كل مره جيهم واحد! يقصقصو عليه بيعرفو وين كان بس:raised_hand:

ولدعم عبسي واخو مودى فنفس الوقت: تي غير وين كنت ياراجل:slight_frown:
عبسي: كنت طالع للجامعة عرضولي جماعه فطريق وماننديرش ع روحي .. الا وانا مع مجموعة شباب
ولد عمه: الناس بدت تحكي عليكم؟
عبسي: نعرف كيف نثبت برئتي:raised_hand:... اللي مش دير شي مايخفش هذي حطها فراسك

مشى عبسي دوش وغير ملابسة وجى فتح هاتفه اللي كان مسيبه فغرفته فتحه
لقى مكالمات ومسجات منها..
وتذكر ايام وهو مخطوف مافكرش في حد الا امه وهيا.. بس بذات هيا عقله كان عندها وجسده بس اللي مخطوف كانو الشباب يضحكو عليه لأنه يسرح واجد ويفكر واجد.. لدرجة جنه اعصاب معده ووزنه من67تمى58 وحالتة نفسيه صفر.. ومخطوب بسببها كان يقدر يفوتها..بس لأنه قد كلمتة صار فيه هك
ومع هذا كله حبها كل يوم يكبر ..نقدر انقوللكم عشان هكي الرجال شوي والعويل واجد!

رن عليها ع هاتف ابتسام

__________
إيناس كانت مكملة صلاة وتدعي الربي يرده ليها وعيونها زي كل مره معبيات ادموع:broken_heart:
.
.
بسنما كان الهاتف يرن عند ابتسام .. شفته لقتى مسجل بأسم"ليلى"
استغربت وتذكرت ان إيناس كانت تحكي من عندها

……يتبع

شافت ابتسام الهاتف يرن القاته "ليلى" يتصل بك.. تذكرت ان إيناس كانت تحكي من عندها
فتحت الخط
ابتسام: ايوه
عبسي"حس بصوت متغير": غلطان معلش
ابتسام: لا مش غلطان
عبسي:قلنا غلطان ياخيتي
ابتسام: تبي تحكي مع إيناس؟!
عبسي"بصوت يذوب":ياريت:pensive::heart:

مشت إبتسام الدار إيناس اللي كانت مكملة صلاتها وقاعدة تدعي الربي يرجعه لها:heart:
وبدون اي مقدمات حطت ابتسام الهاتف ع اذنها
إيناس:منو؟
عبسي: الله لا يسامح من كان سبب فحرماني من صوتك وشوفتك:heart_eyes::broken_heart:
إيناس"عيونها معبيات دموع": وينك كنت بنموت عليك حرام عليك والله حرام عليك... وقعدت تبكي ومنهاره
كانو بيزوجوني الغيرك عذبتني والله تعذبت
عبسي: والله لين نموت مانخليك واعد ..واعد ماهو زافك غيري:broken_heart:
إيناس:معش تخليني بروحي مانقدرش بلاك انا:sob::heart: بس وين كنت بس قولي
عبسي: كنت مخطوف ...وحكالها زي ماحكى للباقي ماقللهش ان ابراهيم سبب هذا كلة!

وقعدو يحكو مع بعض إيناس تعتب وعبسي يراضي فيها...براغم انه انخطف وعانى بسببها بس ماقللهش من خوها مايبيهاش تكرها او تحقد عليه بسببه!!

_____________________

مودى: احلفي:broken_heart:
ليلى: والله جى ، امس فليل
مودى: توا نجيكم مسافة الطريق بس
ليلى نستنى فيك

سكرت عليها ومشت لبست وتجهز في روحها خشت عليها اختها تقوى
تقوى:خير وين ماشيه؟!
مودى: بنمشي العيت عمي عبسي روح الحوشهم ...وانا ضميري يأنب فيا معش نقدر نسكت.. بنحكي كل شي
تقوى: طيح سعدك، وخطيبك ماقلتيلاش بتطلعي
مودى:ع كيفه انا بنمشي ... طلع الخوها وركبت السيارة
.... خشت حوش عمها وكانو البنات قعدين قعدت تحكي امعهن ... وجت حليمة
صبت مودى تسلم عليها
حليمة"قلبه وجها": من يوم ما راح الغالي ماعد شفنك..شن خطرها اليوم جيتك:unamused:
مودى: عارفتتها وجعتك الخطبة وعارفه روحي مقصره امعك اسفه يا اعميمه بس ضروف
حليمة: ماعندي مانقول .. وخلتها ومشت

قعدت مودى تمشي فالوقت مع البنات وقلبها نار عشان تشوف عبسي :broken_heart:
سمعت صوت عبسي لمة كان يحكي مع امه قاللها انا طالع توا
طلعت مودى لحقاته
.
.
مودى: الحمدالله ع سلامتك
عبسي:الله يسلمك
مودى:نبي نحكي امعك كلمتين!
عبسي: تفضلي ان شاءالله خير
مودى:نبيك تسامحني
عبسي"رفع حاجبه":خير؟!!!
مودى: .....بدت تحكيله من اول موقف صار في جامعة لعند اخر مكالمة صارت بينها وبين ساره ..وقعدت تبكي
عبسي"عيونه قعدو حمر" مسكها مع يديها
مودى: اه يدي اطلقني... والله مش ذنبي كان حبيتك.. انا حبيتك قبلها.. انا حلمت بيك ..وهيا حققت:sob::broken_heart:
عبسي: تعرفي ليش هيا حققت هيا عشان ماعمرها كانت انانيه ولافكرت تأذي شخص نيتها بيضه ماديرش في حركات مبتذله لجلب الإنتباه بسطتها جذابة .. انتِ غلبتي حتى ابليس في تفكير ..

كان يحكي امعاها بعصبيه وكل كلمةً كانت طعنه بنسبه المودى

________________

طلعت من الحوش واعصابي منحرقات..معقوله الحقد والكره والغيرة يغيرين الشخص180 درجة
.
.
هدى عبسي وقعد رن ع جماعه اللي كانو مخطوفين امعه عشان يثبتو برئتهم.. وفعلاً مشو ورفعو قضية ضد إبراهيم وتهمه كانت"الخطف" وكانت تهمه كبيره.. والشهود عددهم كبير!!
قعد عبسي يحاول يثبت برئتة ومافيش حاجه وما دارها وقتها.... وكانت إيناس تحضر الحفل تخرجها
______________

بسمة: تعال ارفع الصفره مش قادره نحركها انا:unamused:
أيمن: باه...
عزوزتها: مفروض ماعد تتحركي من مكانك ! ماقلتيليش امته موعدك؟!
بسمه: اليومين هذين:heart:
عزوزتها: ع خير وسلامة ان شاءالله:heart_eyes:
بسمة: سلمك يارب

كانت بسمة تحكي مع عزوزتها وامل تسمع من بعيد ومزال عندها امل بسمة... ايموت ولدها..اتموت هيا!!
وايمن متغير عليها طول فترة حمل بسمة.. الموضوع هذا بذات مسببلها حساسيه

قعطع عليها سرحانها ...اعياط بسمة:flushed:

شافت امل لقت بسمة تتوجع "علامات ولادة" خذوها للمستشفى وهيا تتفرج ...وكبدها محروقه:broken_heart::fire:

:
:
طول طريق ايمن يهدي فبسمة وعزوزتها تقرلها في قرآن وتخلي فيها تشهد ناظت بسمة قالت الها
تبيني نموت تخلي فيا نشهد:joy:
عزوزتها"زرتها ضحكه عرفتها من شدت الألم قعدت تخترف"::joy::joy::joy:

وصلو للمستشفى وخششوها غرفة الولاده....

بعد حوالي ساعه طلعت الممرضة وكان فيدها ولد ابيض تقول شمعة:heart_eyes::heart:
عطته العزوزتها
العزوزه:زين ورضى ولدين:heart::sparkles:

وفعلاً كان زين البيبي كانو عيونة لونهم رصاصي خفيف...خشمة واقف وصغيور..شعره اسود وكثيف.. وجي وزنة مشاءالله:heart_eyes::heart::ok_hand:

العزوزه: وين بسمة كيف حالها؟
الممرضه:تقدري تشوفيها.. بس تعبت شوي المفروض كانت تجيب قيصري لكن جى طبيعي، يتربى فعزكم
العزوزه: مشكوره

ومشت العزوزه الكنتها وحطه الولد في ردها "فرشيتها" خايفه عليه من عيون النسوان:joy::heart:
العزوزة: سلمها اللي جابت الزين:relieved::heart:
بسمة"ضحكت لأن مش متعوده ع حركات العزوزات": الله يسلمك ..كذا عطيني بنشوفه
العزوزه: اهو خوذيه غطيه ماتخليش حد يشوفه يعطوه لك بعين:raised_hand:
بسمة: باه ياعميمة .. لمه شفاته رفعت راسها بصدمة" تذكرت مرت بوها اول ماشفت الولد"..سبحان الله نسخه من ام إيناس مع انه مشفتلهش حتى صوره وانا حامل:heart_eyes::ok_hand:
عزوزتها: اي حتى إيناس محلاها..نفكر نخذها العبد العزيز ساده قاعد عازب لتوا
بسمة: ع بركة الله حددي يوم ونمشي امعك

روحت بسمة الشقتها ووقت اللي خشو لقو امل موتيه شنطتها ولمة حاجتها ...وخوها يستنى فيها برا

جاها ايمن: خير؟
امل:ربي مش كتبلي نكون ام صغارك انا خلاص مليت معش نقدر نتحمل طلقني..خليني نشوف حياتي
ايمن:انا قصرت امعك في شي!:broken_heart:
امل:لا كفيت واوفيت امعي.. بس خلاص
ايمن: براحتك

طلعت امل ..وكانت بسمة متأثره برغم إنها ضرتها الا انها وجعتها:broken_heart::ok_hand:

وبعد مشت امل بدا ايمن يتقرب من بسمة وولدها"جمال":heart::sparkles:
مع ان امل كانت كويسه بكل بس..القدر..والقسمه ..ونصيب من يقدر يغيرهن غير اللي مسخرهن؟!

______________

عبسي: بنشوفك ليا زمان عليك:pensive::heart:
إيناس: بكرة بنمشي للجامعة ... نرن عليك ونتلقو
عبسي: تمام
إيناس: باه شن صار فقضيتكم؟!
عبسي: تحبي تخربي اللحضات الرومانسيه:unamused::joy::heart:
إيناس: عادي ، عادي:joy:

وكملو مكالمتهم..عيب خصوصيتهم:new_moon_with_face::joy:

ثاني يوم فجامعة

إيناس:تعال القاعة207
عبسي:تم .....مشى الها القاها في القاعه ..

عبسي:حي ياهم شن ديره فروحك ناقصه:flushed:
إيناس"ضحكت": ماهو منك خمس شهور نفكر غير فيك:broken_heart:
عبسي ماقومش وجى حظنها... وقاللها ربي يخليك ليا ..... وبحركة سريعه منه خطف منها بوسة ..دفاته إيناس
إيناس"بحشم": مش هكي اتفقنا:unamused:....كان شفنا حد؟!
عبسي: مادامني امعك ماتخافي مش شي:ok_hand:

كانو يحكو مع بعض ويخش عليهم واحد من امتعين امن الجامعة وبين فعيونه ناوي الشر!

الأمن:شن ديرو هنا... ممنوع
وشاف الإيناس وقاللها.. اعطيني ولي امرك وانت ح نشكي فيك ادارة الجامعة وجى بيرفع الا سلكي امتاعه عشان يندي ع باقي الأمن مسكة عبسي من رقبته ...وشاف الإيناس بمعنى اطلعي
طلعت إيناس

عبسي: قبل مادير شي احسب احسابك اكويس..تحسبني عيل بنخاف ونهرب:unamused:
الأمن"بخوف": اصلا ممنوع .. قص عليه عبسي
عبسي:كلمتين.. تلقاني فطريق اللي انت ماشي فيها ..تومتك غير طريقك والا والله نقتلك ..والبلاد سيبه شوفت عينك.. يامتاع الرشاوي..تحسبني مش فطنلك:wink:

سيبه عبسي وخلاه مصدوم:joy:

طلع عبسي لقى إيناس قاعده مع مجموعة بنات ..غمزلها.. ومشى

______________

كانت إيناس.. قاعده وشافت سارة جيه بتجها ....

ساره:خير
إيناس: من وين يبي يجي الخير..نسيتيني بسرعه الباين:ok_hand::smirk:
ساره: انا جيت وبنطلب منك السماح انا غلطت فحقك واجد... وتأمرت ضدك وربي عقبني ..وضحك عليا اللي حبيته:pensive::sob:
إيناس"بستغراب ": كيف..وضحي
سارة: انا سبب مشاكلك وكل شي صارلك..وفي المقابل ربي ردها ليا.. سامحيني ظلمتك
إيناس"بدت تفهم كل شي وتربط في لأحداث ببعضهم"
بعد فترة قصيرة فاقت إيناس من صدمته: انا مهما درتيلي مستحيل نحقد ..ربي يسامح مانبيش نسامح انا.. وشكراً ياصحبتي علمتيني درس!!

وفاتتها ومشت ركبت الباص وروحت الحوشهم...

_____________

بعد شهر م اللي صار... عبسي ربح القضية ..بس إبراهيم خلى واحد من اتبعه يشيل عنه القضيه ونفذ منها بأعجوبه... وطبعاً بعد اللي صار اصبح مستحيل يوافق ابرايهم ع عبسي!!
جرب عبسي يخطبها .. مره واثنين.. وما يأسش وفي كل مره يزيد إصراره عليها

إيناس:خلاص ربي مش كتبنا البعض .. ليش نعذبو في ارواحنا ونحن عرفين نهيتها فراق!:broken_heart:
عبسي: والله ما وخذك غيري ..خلي إيمانك بربي كبير اليوم جيين رجالة كبار مع معروفين ..يمكن يصير ويوافق
إيناس : ان شاءالله..بس كان ما صارش خلاص اخر مره ..
عبسي:كان ماصارش نجرب ثاني .. يوافق غصباً عنه
.
.
وفي الفترة هذي جت عزوزت بسمة تبي تخطب إيناس ..بس بعد عرفت انها تبي حد..غيرت رائيها وخطبت دانيا:purple_heart:
.
.

في مربوعة إبراهيم
بو عبسي: هذي ثالث مره نجوك ونبوها بالحلال..
إبراهيم: وانا اختي مانبيش نعطيها
وادخلو اشيوخ اكبار وخشت دنيا فبعضها!
.
بعد كم يوم وافق ابراهيم لان ناس بدت تنتقده.. ويقولو اخته ابصر شن فيها لين رفض ناس معروفين!
فنهاية وافق ومعش قدر يرفض..
حددو موعد عرس إيناس ودانيا فيوم واحد مسرع مامشت الأيام وجى اليوم اللي قبل العرس
__________________

الباب يطق .... مشى اكرم فتحه
كان في ظابط واقف ع الباب ومجموعة كبيرة مسلحه محوطه الحوش
اكرم:خير
الظابط: نبي ابراهيم متهم بخيانة الدولة وتهريب هجرات غير شرعية
اكرم: قعد مصدوم... خشو وخذو إبراهيم
وكان ثاني يوم العرس ماقدروش يلغوه لأن سمعتهم بعد اللي داره إبراهيم ح تدمر!
وسكرو الموضوع وماقلوهش الحد .. لين يتم العرس... ابتسام بدت تبكي وصارت فيها حالة مشت الهلها وهكي

________________

فصبح:sparkles::heart:

نضت إيناس لقت مسج من عبسي" انتِ لست أميرة ليوم واحد فقط...بل أنتِ اميرة مادمت بجانبك"
ابتسمت وصبت توضت وصلت وشكرت ربي وحمداته:heart:
فطرت هيا ودانيا .. وطلعن للمزين ولحقتهن بسمة
إيناس كانت مختاره ڤيلو لونة ابيض في فضي سبعه من الخلف وكمامة جبير وكانت نفخته بسيطه مش امبوج واجد كان جميل.. دارت تسريحة بسيطة وحطت تاج فضي وباقة الورد كانت بيضه فيها وردات حمراء..مكياج كان حلو بس مش اوڤر كان معقول وجميل مش خافي ملامحها:heart::ok_hand::sparkles:

اما دانيا اختارت ڤيلو ابيض ساده عريان من فوق وفية نفخه رسمته حلوه ...مكياجها كانت ألوانه فاقعه ضلالها موڤ روجها لونه غامق بس جميل وكان طاغي لأن ڤيلو ساده..ورفضت ادير تسريحة خلاته فيه تلوايه ومطلوق ..باقتها كانت موڤ:heart::sparkles:

بعد نهن حاجتهن كلمو اكرم وبسمة كلمت راجلها
دانيا ركبت فسيارت ايمن راجل بسمة
وإيناس مع اكرم

________

خشت إيناس لصالة قبل دانيا عشان يقولو فال مش حلو يخشن عروسين مع بعض
اول مابدت تمشي حطو اسماء الله الحسنه:purple_heart:
كانت إيناس تمشي وتسمع في كلام ناس..اللي تقول خوها في السجن وقاعده تتعرس مقوى عزمها..واللي تقول كان ماخذاها مات..واللي تقول زينة طالعه الأمها..

لين وصلت للمسرح وسعدنها البنات وقعدت
وبعدها خشت دانيا ..بدت السهره كانت في فرقه ..واضح ان العرس صرفين عليه طلع حاجة من الخيال

بعد شوي الصالة كلها قعدت تلبس في عبايتها ..لمى قالو العريس بيخش... ونزلو دانيا شوي لين يخذ عبسي إيناس..

خش عبسي وكلة شموخ وهيبه وعيونه عليها .. ويتذكر في بديتهم واحزنهم :heart_eyes::heart:
وصل عندها عبسي رفع الطرحة امتعها وعطها بوسة ع جبينها..وهمسلها "واخيراً بعد معانة..خذيتك"
ابتسمت وخدودها انحمرو:heart_eyes:

خذاها ولبسها البرنوص امتعاها وطلعو... بعد ماودعت خواتها سعدتها بسمة لين طلعت وركبت للسياره
كانو اصحاب عبسي قيمين بالواجب العاب ناريه.. وضرب بسلاح:blue_heart:

عبسي مسك يد إيناس وبسها وقاللها"وفيت بوعد وخذيتك،ربي يقدرني نسعدك لاند اخر لحضه فحياتي:sparkles:"

...... النهاية

جزاك الله خيرا

لايك